呢兩日公司對話內容

哈哈哈哈！基本上，返工既時候，好多時都會講笑。所以，正路黎講，都會久唔久都有野笑下。再唔係都會有野研究下。就好似琴晚咁，我就變左吹氣公仔維修技師。為may維修一個佢個仔行花市買既玩具。哈哈哈。             我就一值維修，同時，我就叫佢tea下先。結果，，，搞下搞下，大家都以為我練仙。以為我咁耐都唔出黎食野。。。最後，仲要呀may同呀華搵返我，比佢地見到我仲維修緊。已經維修左差唔多45分鐘。。。哈哈哈！ 呀may就話：『真係唔好意思，仲以為你已經無整，去左沖涼。個公仔都唔知點解，一個中七既學生會咁鍾意。』               我：『我見差唔多整好，咪整埋佢羅。不過，我怕我手工唔靚，你個仔會唔開心。』        呀may：『唔怕啦！唔好整啦。算啦。』 【我心諗，雖然個公仔唔係d咩，只係虛幻，但係，作為母親對兒子既心意，係好真實架嘛！所以，我都會盡力去維修好，過程中都會希望佢個仔鍾意啦。希望啦。】                   今日，同呀潤補返拜年說話，因為佢搵人比左利是我。咁我當然要補返幾句啦！之後仲講到髮型既事。(因為我已經成為左呀潤既御用髮型師) 哈哈哈！           呀潤：『哈哈。剪髮係你興趣嘛。』 點知？？？呀夢夢走左埋黎喎！一聽到講『興趣』就走黎問我。   我即時答：『我有好多興趣架喎。其中一樣係溝女。』   呀潤又話：『溝女之外，又有睇咸書……你又岩？』   哈哈哈！呀夢夢好搞野咁低頭轉身，：『仲以為你講你興趣係剪髮添…』 哈哈。既然咁講，我都無謂玩人啦。哈哈。   咁我就同呀夢夢講：『你係咪想剪呀？』   夢夢：『我新年前剪左前面少少，收左$80呀。剪完又唔靚。』   我：『丫也！咁你叫我幫你呀嘛，我唔收你錢，整係一餐飯就得。點都平過$80呀。』   夢夢：『好喎。』   我：『最多咁，睇戲我既。』   夢夢竟然真係細細話：『咁幾時呀？』 嘩！我即刻就同呀潤繼續研究，夢夢就問我地係邊個地點剪。   呀潤：『我地都未搵到地方，家下大家返工時間都唔同左，好難就。哈哈哈。』 哈哈哈哈！就咁，講左咁耐，得啖笑，跟住，有人同夢夢講：『有個醫生係出面等緊你呀！』   我即刻講：『散會！』哈哈哈哈！                 到收工前，kendy就比d好野我同呀賢睇。係其他醫院請人，人工比而家高20%。哈哈哈。雖然家下工作都好開心，假期都多。但係……哈哈哈！人家出既人工，都係高d喎！話灑人地既要求，我都有灑呀。仲要係專業嘛嘛。地方又近過而家呢。             雖然，我過去六年，已經轉左五個職級，叫做去過四個部門。新一年，都係時候再試下啦！哈哈哈哈！   華姐就講：『比我係到做到退休都願。』   我：『唔怕喎。我地已經少左兩個，家下再少多兩個。咁你地就好安全！』   華姐：『幾時少咁多個呀？』   我：『已經無左打交果兩個啦！(雖然人在，但我已經當……)』               由於，間院有華、may、萍、笑媚、琴…做過。而果邊既老闆，應該佢地都會識，話唔定識既時候，人地都未做老闆。有咁多前輩係到，又有人面！             所以，我即即諗好方法，係見工既時候特圍！             就係……叫咁多個前輩同，每個都同我影返張相。跟住就要樹起大母指黎影！咁…班老闆見到我有咁多識既前輩推薦。一定掂啦！最緊要就係！唔好叫家下個老闆寫推薦信，因為佢太新，無江湖地位。都係叫華姐寫仲好！哈哈哈！   呀有又話：『影返張我跪地上，針茶比咁多前輩既相。表示係咁多位前輩既途底。』   但我就覺得唔好：『唔得！梗係要倒轉！我坐係到，佢地針返茶比我，咁我先夠勁！』 總之，當時我、有、賢、華、may、suyi、霆、kendy……都好興奮！未見工，先興奮！哈哈哈！   我：『華姐！到你退休既時候，我咪返返黎羅！你一定要幫我寫信！』       講下講下，咁我就收工啦！話灑我已經做左全日既一半工作，我收工後，大家既工作應該都無乜幾多。   收工，就去搵保險經記研究下d野。家下……應該大多數都會係下星期，入醫院住返晚。其實，應該早少少做，但我都係諗住過左年先咁……