入市？

 

      好耐無打投資手記啦！哈哈哈。主要黎講，係近期投資都不太順利。更詭異既係，之前我有講過自己入乜貨既，表現就異常差。而我唔出聲入貨既，就表現都幾好。真係… …要小心講野先得。

      眼見，久唔久就有人從羊狼既blog入黎。我點都要打下投資既。哈哈。

      近期全球個市跌到『dum、dum』聲。原因唔多講，事後孔明通街都係。哈哈哈哈。加上，從我既想法：調整，一切都係循環、炒作、藉口。。。

      本人黎講，會嘗試係18000點上下400點波復，即17600-18400考慮入市。但係……以近日跌得咁急，都有咁多錢錢接貨？梗係覺得有人會踢多幾腳，等更多散戶出貨，轉投大戶手中。事實，大戶耐性，同賺既錢，已經好多。。。

      從正路睇，近期既超賣，會做成技術反彈。但由於長期移動平均線，同短期移動平均線，既方向性不同，所以……短期都會係波動上下落下。從基本因素，日元又真係升得幾急既……哈哈哈。等我係6.4幾都唔入，仲打算博大佢去到6.3幾添。哈哈哈。家下現價都6.7幾……升左5%啦！！！哈哈哈！但呢次無我份。。。

      講遠左，總之呢期斷估，恆指都低反複向下，應該唔太難等到考慮入貨位17600-18600。不過，講明，等上高位，真係要時間呢。向下既機會都重有，但最差既，都係16800掛？而家都係唔諗得咁遠，，，各方因素都會不斷改變。從普遍對整年既預測，都會向好既氣氛，呢次呢野都係調整。。。應該係入貨位炒上落，出入多幾次，搵多幾次錢好了。暫時要下試18000都唔係易呢，話灑都超賣得有少少過左位。。。但都係有機會既。。。哈哈哈。

      講到好似好複雜咁。。。算啦。。。股市上落，一個人都會有唔同想法，更何況咁多人。。。

      各位，就請用點時間，研究下適合自己投資既方法。迎接下一個升浪。。。錢呀！錢呀！

錢錢！錢錢！(請請！請請！)

 

※※《編者話》本欄搜羅熱門傳聞，惟消息未經證實，亦不保證內容之準確性
　　　　　　　本文只供參考之用，並不構成要約、招攬或邀請、誘使、任何不論種類或形式之
　　　　　　　申述或訂立任何建議及推薦，讀者務請運用個人獨立思考能力自行作出投資決定
　　　　　　　，如因相關建議招致損失，概與編者及作者無涉。